«Оқуға құштар жүректер» облыстық байқауының ЕРЕЖЕСІ
«Оқуға құштар жүректер» облыстық байқауының
ЕРЕЖЕСІ
«Әулиеата – кітап оқитын өңір» жобасы аясында 2025 жылдың наурыз -сәуір айлары аралығында балалар мен жасөспірімдер арасында «Оқуға құштар жүректер» облыстық байқауы ұйымдастырылады.
Қазақ балалар әдебиетінің көрнекті өкілдері: Сапарғали Бегалин -130 жыл, Өтебай Тұрманжанов – 120 жыл және Сансызбай Сарғасқаев – 100 жыл, Асқаржан Сәрсек – 75 жылдығына арналған шығармашылық байқау Жамбыл облысы аймағында өтеді.
1.Байқаудың мақсаты
– Қазақ балалар әдебиетінің көрнекті өкілдерінің шығармакшылық мұрасын насихаттау;
– Балалар мен жасөспірімдерді ұлттық рухани құндылықтарға баулу және отансүйгіштік сезімін нығайту;
– Қазақ әдебиетінің дамуына зор үлес қосқан жазушылардың еңбектерін таныту;
– Қатысушылардың шығармашылық қабілеттерін, эстетикалық талғамдарын дамытуға ықпал ету;
– Тіл байлығын арттыру және әдеби көркем шығармаларды оқуға ынталандыру;
– Кітапханаға бетбұрыс жасау.
2.Байқаудың талаптары мен шарттары
Байқау екі кезеңнен тұрады
Бірінші кезең: аудандық іріктеу – 2025 жылдың 24-28 ақпан аралығы
-Д.А.Қонаев атындағы облыстық балалар мен жасөспірімдер кітапханасы мен аудандық орталықтандырылған кітапханасының қызметкерлерінің қатысуымен өтеді.
-Байқауға аудандық, ауылдық балалар кітапханаларының оқырманы болып табылатын 9-15 жастағы балалар мен жасөспірімдер қатысады.
-Үздік деп танылған 1 (бір) үміткер облыстық кезеңге жолдама алады.
Екінші кезең: облыстық іріктеу -2025 жылдың 2 сәуір күні
-Байқау бірінші кезеңнен іріктелген үміткерлер арасында өтеді.
-Марапаттау рәсімі
Байқауға қатысушылар төмендегі талаптар бойынша сайысқа түседі:
Әр үміткер міндетті түрде Сапарғали Бегалин, Өтебай Тұрманжанов, Сансызбай Сарғасқаев, Асқаржан Сәрсектің шығармаларын орындауы тиіс.
- «Мен кітапхананың тұрақты оқырманымын» сайыскердің өзін-өзі таныстыруы (3 мин).
- «Балалар әдебиетінің көрнекті ақыны мен жазушысы» ақынның өлеңін және жазушының прозасынан (монолог, сахналық көрініст.б) үзінді оқу (3мин)
- «Портрет галереясы» портреттегі бейненің кім екеніе табу (3 мин).
- «Әдеби бәйге» қазақ балалар әдебиетінің көрнекті өкілдерінің өмірі мен шығармашылығы туралы сұрақтарға жауап беру.
Сарапшылар алқасы қатысушылардың өнерін бағалау кезінде оқырманның шығарманы таңдау талғамына, дауыс мәнеріне, тіл тазалығына, жан-жақты білімділігіне, сахнада өзін-өзі ұстау мәдениеттілігіне назар аударатын болады
3.Жеңімпаздарды анықтау
Байқауды сарапшылар алқасының ұйғаруымен жеңімпаздар анықталып, олар арнайы сыйлықтармен және дипломдармен мрапатталады.
Бас жүлде
1 орын
2 орын
3 орын
Ынталандыру
Байқауға қатысу үшін ұсынылатын құжаттар:
-Қатысушының аты – жөні, туу туралы куәлік, шығармашылық мінездеме;
-3х4 см көлеміндегі түрлі-түсті фотосуреті;
-Байланыс телефондары.
Барлық құжаттар мына мекенжайда қабылданады: Тараз қаласы, Қонаев көшесі №4, Д.А.Қонаев атындағы Жамбыл облыстық балалар мен жасөспірімдер кітапханасы.
Байланыс телефоны: 8(7262) 45-88-44, 8 705 816 61 61(Ауғанбаева Бақыт)
Электронды пошта: odub_taraz@mail.ru
4.Байқауды ұйымдастырушылар
Жамбыл облысы әкімдігінің мәдениет және тілдерді дамыту басқармасы, Д.А.Қонаев атындағы Жамбыл облыстық балалар мен жасөспірімдер кітапханасы.
