Бүгін – әйгілі түрколог, көрнекті қоғам және мемлекет қайраткері, филология ғылымдарының докторы, профессор Мырзатай ЖОЛДАСБЕКОВТІҢ туған күні.
Мырзатай Жолдасбеков 1937 жылы 27 мамырда Жамбыл облысы, Талас ауданы, Ақтөбе ауылында дүниеге келген.
Мырзатай Жолдасбеков қазақ әдебиетінің алғашқы қайнар бастауларын, Жамбыл Жабаев, Абай Құнанбаев шығармашылығын зерттеуге мол үлес қосты. Түрік қағанаты кезіндегі Орхон-Енисей жазба ескерткіштерін қазақ ғалымдары арасында алғашқылардың бірі болып жаңаша зерделеп, қазақ тіліндегі аудармасын ғылыми айналымға енгізді. Жамбылдың ақындық мектебін зерттеп, оның тұстастары мен шәкірттерінің туындыларын жан-жақты талдады. «Халықтар достығы», «Құрмет» ордендерімен марапатталған.
Қажырлы еңбегі мен ғылымға деген құштарлығының арқасында абырой биігіне көтерілген Мырзатай Жолдасбековтың өмірі кейінгіге үлгі, ұрпаққа өнеге.
