Қазақстан Республикасы Тәуелсіздігінің 35 жылдығына орай «Берекелді ауыл – Ел мерейі» өнер фестивалі аясында Қарабастау ауылында “Құт қонған мекен -Билікөл” атты іс-шара өтті.
Шара барысында Билікөл өңірінің табиғи ерекшелігі, тарихы мен ел тұрмысындағы алар орны кеңінен насихатталды. Туған жердің қадір-қасиетін дәріптеп, оның табиғи байлығы мен тарихи-мәдени мұрасын кейінгі ұрпаққа жеткізуге бағытталған тағылымды дүниелер ұсынылды. Қарабастау ауылдық кітапханасы «Табиғатты қорғайық» атты кітап көрмесіне шолу жасап, фотогаллереямен таныстырды.
Мерекелік шарада ауыл өнерпаздары ән мен күйден шашу шашып, ұлттық өнерді ұлықтады. Елді мекеннің берекесі мен бірлігін айшықтаған мәдени бағдарлама көпшілікке көтеріңкі көңіл күй сыйлады.Билікөл – табиғаты көркем, тарихы терең, құт пен береке қонған киелі мекен. Оның бай тарихы мен табиғи байлығын дәріптеу – туған жерге деген құрметтің жарқын көрінісі.
