Жуалы ауданы Мыңбұлақ ауылдық округі Көлбастау ауылдық кітапханасы «Табиғат аясындағы оқу залы» жобасы аясында орталық саябақта «Атыңнан айналайын туған өлкем» атты ертеңгілік өтті. Кеш барысында кітапхана оқырмандары Мирас Ғали «Туған өлкем», Іңкәр Нұрғали «Мен жастарға сенемін», Сезім Сапарбек «Мен қазақпын» өлеңін мәнерлеп оқып, Мирас Ғали «Қазақ үшін» әнін, Мұхаммедхайдар Керімхан, Айбибі Әуесбек «Кітапхана» әнін, кітапханашы Аида Тәліпбек «Атамекен» әнін нақышына келтіріп орындады. Кітапханашы Гүлжан Мырзақұлова «Жуалым құт мекенім» атты кітап көрмесіне шолу жасап, оқырмандарды кітап оқуға шақырды.
Мақсаты: Оқырмандарға туған өлке, оның байлығы, алуан түрлі табиғаты туралы түсінік беру, жас ұрпақтың туған жерге деген сүйіспеншілігін арттыру, өз елін, жерін құрметтеуге тәрбиелеу.
