«ART & SCIENCE: БІЛІМГЕ ДЕГЕН ҚҰШТАРЛЫҚ» JAMBYL Book Fest КІТАП ФЕСТИВАЛІ

«ART & SCIENCE: БІЛІМГЕ ДЕГЕН ҚҰШТАРЛЫҚ» JAMBYL Book Fest КІТАП ФЕСТИВАЛІ
Жамбыл облысы әкімдігінің мәдениет, архивтер және құжаттама басқармасы мен Ш.Уәлиханов атындағы облыстық әмбебап ғылыми кітапханасы 23 сәуір — дүниежүзілік кітап және авторлық құқықты қорғау күніне орай «ART & SCIENCE: БІЛІМГЕ ДЕГЕН ҚҰШТАРЛЫҚ» JAMBYL Book Fest кітап фестивалі өтуде.
«Оқуға құштар оқырман» — оқу марафоны: өңір кітапханалары оқырмандарының арасынан таңдалған 2023 жыл ішінде ең көп кітап оқыған оқырмандар марапатталды.
Жуалы аудандық орталықтандырылған кітапхананың үздік оқырманы Кұрматаева Кәмшат Қалиқызы жыл ішінде 52 кітап оқып, үздік оқырман номинациясымен марапатталды.
2023 жылдың Ең үздік оқырманын құттықтаймыз. Үздік оқырмандарымыз көп болсын!
ҚҰТТЫҚТАЙМЫЗ!
Бүгін ақын, журналист, аудармашы, Қазақстан Республикасы Мемлекеттік сыйлығының лауреаты, Парасат және Құрмет ордендерінің иегері Күләш АХМЕТОВАНЫҢ туған күні
Ақын өлеңдері — сезім мен тебіреніске толы. Оның жырлары кейінгі ұрпақты адалдық сияқты сезімдерге жетелеп, адамзатты сүюге бастайтын жол тәрізді. Оның әрбір өлеңі бір — бірімен үндесіп, ұштасып жатқан тұтас әлем.
«Сен менің бақытымсың» атты кітабы үшін ақын Қазақстан Жастар одағы сыйлығының лауреаты болды. ҚР Мемлекеттік сыйлығының лауреаты, «Құрмет» орденінің иегері. Жамбыл облысының Құрметті азаматы. Өлеңдері орыс, украин және түркі халықтарының тілдеріне аударылған, мектеп оқулықтарына енген. Тәуелсіздіктің он жылдығына, Астананың он жылдығына арналған республикалық жазба ақындар мүшәйрасының Бас жүлдегері. Бірнеше медальдармен марапатталған.
Шығармалары: Ақ гүлім менің. Өлеңдер. А., «Жазушы», 1975; Сен менің бақытымсың. Өлеңдер. А., «Жалын», 1977; Жапырақ – жаздың жүрегі. Өлеңдер. А., «Жазушы», 1979; Мейірім. Өлеңдер. А., «Жалын», 1981; Бұлақтағы жұлдыздар. Өлеңдер. А., «Жазушы», 1982; Жасыл жағалау. Өлеңдер. А., «Жалын» , 1984; Ләйлектер қайтып келгенде. Орыс тілінде. Өлеңдер. А., «Жазушы», 1985; Арғымақтар даласы. Өлеңдер. А., «Жалын», 1987; Наурыз нұры. Өлеңдер. А., «Жазушы», 1991; Күн шыққанда күліп оян. «Ана тілі». 1996; Өкініш әні (орыс тілінде). Мәскеу, 1997; Бақ. «Атамұра», 2006; Құт. «Дәуір», 2006; Махаббат. «Дәуір», 2006.

«Ұлт әдебиетінің шоқжұлдызы»

 

«Қазақстан Республикасындағы тіл саясатын дамытудың 2023-2029 жылдарға арналған тұжырымдамасы негізінде жергілікті жерден шыққан тұлғаларды насихаттау мақсатында Жуалы ауданы Қызыларық ауылдық округі Ақтөбе ауылдық кітапханасы Бақалы ауылының тумасы журналист Мақұлбек Рысдәулеттің туғанына 75 жыл толуына орай №25 Ақтөбе тірек мектебі оқушыларының қатысуымен «Ұлт әдебиетінің шоқжұлдызы» атты кітап көрмесін ұйымдастырды.

Мақсаты: Оқырмандарға М.Рысдәулеттің өмірімен шығармашылығын кеңінен насихаттау, еңбегін үлгі ете отырып елін, жерін сүюге шақыру, еңбексүйгіштікке тәрбиелеу.

 

                         

 

 

«Батыр қызы қазақтың»

Кеңес одағының батыры Әлия Молдағұлованың туғанына 100 жыл

Жуалы ауданы Боралдай ауылдық округі Көлтоған ауылдық кітапханасында кітапхана оқырмандарының қатысуымен «Батыр қызы қазақтың» атты ерлік сағаты өтті.

Мақсаты: Әлия Молдағұлованың ерлігі туралы баяндау, жас ұрпақтың туған жеріне, еліне деген сүйіспеншілігін арттыру, Отанын қорғай білуге, батырлыққа, ерлікке, патриоттыққа тәрбиелеу.

 

             

“Қиындықта шыңдалған құрыш”

Мәмбетұлы Байзақ батыр — 235 жыл

Жуалы ауданы Боралдай ауылдық округі Ертай ауылдық кітапханасында №18 Мәлік Ғабдуллин атындағы орта мектебі оқушыларының қатысуымен “Қиындықта шыңдалған құрыш” атты ақпарат сағаты ұйымдастырылды.

 Мақсаты: Батырдың ерлігі мен өнегелі өмірін кеңінен насихаттау, оқырмандарды адамгершілікке, отансүйгіштікке тәрбиелей отырып, туған елге, жерге деген сүйіспеншіліктері мен мақтаныш сезімдерін ояту

 

              

 

 

«Ақын болу халықтың ісі»

Ақын Майкөт Сандыбайұлының туғанына 200 жыл

Жуалы аудандық орталық кітапхананың оқырмандарға қызмет көрсету бөлімінде №1 Шерхан Мұртаза атындағы мектеп — гимназиясы оқушыларының қатысуымен «Ақын болу халықтың ісі» атты ақпарат сағаты өтті.

Мақсаты: Оқырмандарға ұлы тұлғаларымыз жайында мәлімет бере отырып, оқушылардың бойына шығармашылық қасиетін ұялату, кітаптарын насихаттау, кітап оқи отырып Отанға, тілге деген сүйіспеншілігін арттыру.

 

               

«Қазақ поэзиясы және Ұлықбек Есдәулет»

Ақын, журналист Ұлықбек Есдәулет 70 жаста

Жуалы ауданы Күреңбел ауылдық округі Күреңбел ауылдық кітапханасында №10 Күреңбел орта мектебі оқушыларының қатысуымен «Қазақ поэзиясы және Ұлықбек Есдәулет» атты дөңгелек үстел өтті.

Мақсаты: Оқырмандарға ақынның өмірі мер шығармашылығын кеңінен насихаттап, қазақ әдебиетіне қызығушылықтарын арттыру.

 

              

«Көркем сөздің көсемі»

Жазушы, журналист Көсемәлі Сәттібайұлы 65 жаста

Жуалы ауданы Боралдай ауылдық округі Ертай ауылдық кітапханасында №18 Мәлік Ғабдуллин атындағы орта мектебі оқушыларының қатысуымен «Көркем сөздің көсемі» атты әдеби кеш өтті.

Мақсаты: Оқырмандарға жазушының өмір жолы мен шығармашылығы жайлы түсінік беру, жазушының еңбектерімен таныстыру.

 

           

«Әдебиеттің алып бәйтерегі»

Жазушы, мемлекет және қоғам қайраткері Әбіш Кекілбаевтың туғанына 85 жыл

Жуалы аудандық орталық кітапханасында Шерхан Мұртаза атындағы №1 мектеп-гимназиясының қазақ тілі және әдебиеті пәні мұғалімі Арман Әбдіжаппар, мектеп оқушыларының қатысуымен «Әдебиеттің алып бәйтерегі» атты әдеби саяхат өтті.

Мақсаты: Оқырмандарға жазушы Әбіш Кекілбаевтың өмірі мен шығармашылығын жан-жақты меңгерту, түсініп оқуға, оқығанды жеткізе білуге дағдыландыру, жастардың дүниетанымы мен ой-өрістерін кеңейту, ауызекі сөздік қорын дамыту, қабылдау, ойлау, есте сақтау қабілеттерін арттыру.

 

             

«Әлия біздің жүрегімізде»

Кеңес одағының батыры Әлия Молдағұлованың туғанына 100 жыл

Жуалы ауданы Жетітөбе ауылдық округі Кәріқорған ауылдық кітапханасында «Жас қыран» қызығушылық клуб мүшелері, №7 Тұрсын Әкімов атындағы орта мектебінің 11 сынып оқушыларының қатысуымен   атты патриот сағаты өтті.

Мақсаты: Әлия Молдағұлованың ерлігі туралы баяндау, жас ұрпақтың туған жеріне, еліне деген сүйіспеншілігін арттыру, Отанын қорғай білуге, батырлыққа, ерлікке, патриоттыққа тәрбиелеу.