18 НАУРЫЗ — ҰЛТТЫҚ КИІМ КҮНІ
«Ұлттық киім – ұлттың сәні» – халқымыздың бай мәдениеті мен дәстүрлерінің көрінісі. Әр өрнегі мен оюы тарихтың, ұрпақтар сабақтастығының жаршысы. Ұлттық киімді кию – ата-баба мұрасын құрметтеу, ұлттық болмысымызды сақтаудың бір белгісі.
Жуалы аудандық орталық кітапханасының ұжымы ұлтымыздың сәнін бірге дәріптеуге шақырады!
Ақын, қоғам қайраткері Темірхан Медетбек — 80 жас
Жуалы аудандық орталық кітапхананың ақпараттық-библиографиялық бөлімі «Мен ізденістің ақынымын» атты библиофейс өтті.
Мақсаты: Оқырмандарға қоғам қайраткері Темірхан Медетбектің өмірі мен қызметін таныстыру, еңбегін үлгі ете отырып елін, жерін сүюге шақыру, еңбексүйгіштікке тәрбиелеу.
22 НАУРЫЗ — ҚОШ КЕЛДІҢ ӘЗ НАУРЫЗ!
Жуалы ауданы Жетітөбе ауылдық округі Кәріқорған ауылдық кітапханасы №7 Т.Әкімов атындағы орта мектебінің оқушыларының қатысуымен «Нұр себеле, ұлыстың ұлы күні!» атты мерекелік кеш өтті.
Мақсаты: Оқырмандарға Қазақ халқының ұлы мерекесі Наурыз мейрамы жөнінде түсінік бере отырып, халқымыздың салт-дәстүрлерін бойларына дарыту арқылы, шынайылыққа, адамгершілікке, ұлтжандандылыққа тәрбелеу.
Жазушы Қалихан Ысқақ — 90 жыл
Жуалы ауданы Жетітөбе ауылдық округі Қоңыртөбе ауылдық кітапханасы №21 Д.Пахомов атындағы орта мектебінің 9 сынып оқушыларының қатысуымен «Қазақ прозасының қара нары» атты портрет кеші өтті.
Мақсаты: Жас ұрпаққа Қалихан Ысқақтың өмірі мен шығармашылығымен таныстыру, оқырмандарға ұлылардың өмірінен үлгі алуға баулу.
Ақын Тұманбай Молдағалиев — 90 жыл
Жуалы аудандық орталық кітапханасы №1 Шерхан Мұртаза атындағы мектеп-гимназиясының оқушыларының қатысуымен «Тұманбай жыры — тұнған сыр» атты поэзия сағатын өтті.
Мақсаты: Ақын, сөздің сәйгүлігі, ойдың озарманы, Тұманбай Молдағалиевтің шығармаларын насихаттау, ақындық талантын шәкірт жүрегіне ұялату, сол арқылы олардың бойында поэзия әлеміне деген сүйіспеншілікті берік қалыптастыру.
Жуалы ауданы Мыңбұлақ ауылдық округі Талапты ауылдық кітапханасында кітапхананың тұрақты оқырмандарының қатысуымен «Салауатты өмір салтын сақтау, жақсы өмірді жақтау» атты денсаулық сағаты өтті.
Мақсаты: Оқырмандарға салауатты өмір салтын насихаттау, өмірге деген құштарлығын арттыру, жақсы мен жаманды айыра біліп, зиянды әдеттерден бойын аулақ салуға дағдыландыру.
Ағартушы, этнограф Шоқан Уәлиханов — 190 жыл
Жуалы ауданы Боралдай ауылдық округі Ертай ауылдық кітапханасында №18 Мәлік Ғабдуллин атындағы орта мектебінің оқушыларының қатысуымен «Қазақтың тұңғыш ғалымы» атты танымдық кеш өтті.
Мақсаты: Оқырмандарға ұлы тұлғаларымыз жайында мәлімет бере отырып, оқушылардың бойына шығармашылық қасиетін ұялату, кітап оқи отырып Отанға, тілге деген сүйіспеншілғін арттыру.
