«Кітап – қазына» жобасы
Жуалы ауданы Жаңаталап, Бәйтерек ауылдық кітапханаларының ұйымдастыруымен ақын, жазушы Фариза Оңғарсынованың туғанына 85 жыл толуына орай «Поэзия патшайымы» атты поэзия кеші өтті. Кеш барысында ақын Фариза Оңғарсынованың өмірі мен шығармашылығын №26 Жаңаталап орта мектебінің оқушысы Ә.Мақұлбек слайд арқылы таныстырып, А.Әзімхан «Аққу тағдыр» өлеңін, А.Омарбек, М.Темірлан «Ақжайық» өлеңін, А.Қазақбай «Жүректі қайрау» өлеңін , А.Әділбек «Қыз сыры» өлеңін, Ж.Абдуғаппар «Ана» өлеңін, клуб маманы К.Абдугаппарова Мұқағали Мақатаевтың «Фариза!» өлеңін мәнерлеп оқып, А.Әділбек «Үнді» биін, А.Бегалиева «Қамажай» биін билеп, Е.Сандуғаш «Ләйлім» әнін, А.Қасымқызы «Ұстазым» әнін нақышына келтіріп орындады. Жаңаталап, Бәйтерек ауылдық кітапханасының әдіскерлері А.Алтайбекова, Т.Мамырбекова «Елімнің еркесі Фариза» атты әдістемелік құрал, «Фариза Оңғарсынова» атты библиографиялық көрсеткіш, «Сыршыл жан Фариза» атты ақпараттық-жарнамалық флайерді таныстырып, «Елінің еңлік гүлі» атты кітап көрмесіне шолу жасады. Іс шараға қатысқан ауыл тұрғындары, кітапхана оқырмандары кітапхана қызметкерлері дайындаған «Фариза 85 жыл» кітап инсталляциясын тамашалады
