«Кітап – қазына» жобасы
Жуалы ауданы Көкбастау ауылдық округі Қосбөлтек, Бақалы ауылдық кітапханаларының ұйымдастыруымен жазушы, журналист Мақұлбек Рысдәулеттің туғанына 75 жыл толуына орай «Қалам мен ғалам» атты әдеби кеш өтті. Кеш барысында №30 Көктөбе орта мектебі оқушылары Ниетбек Ықылас, Абдамбай Ырыс, Аллаберген Айғаным, Қалдыбай Елдар, Сман Әли, Базарбай Ернар патриоттық өлеңдер оқып, Қалдыбай Раяна «Отан» әнін нақышына келтіріп орындады. Бақалы ауылдық мәдениет үйінің мамандары Ералиев Шыңғысхан «Ана-Әке», Ордабекова Мира «Саржайлау» әндерін орындады. Қосбөлтек ауылдық кітапханасының әдіскері Толқын Балтабай, Бақалы ауылдық кітапханасының әдіскері Сағыныш Қайсарбекова Мақұлбек Рысдәулеттің «Жуалы» кітабынан өлеңдер оқыды. Қосбөлтек ауылдық кітапханасының кітапханашысы Пернебек Гүлвира Мырзахан Ахметтың «Дидарына тамсанам» өлеңін мәнерлеп оқып, «Қалам мен ғалам» әдістемелік құрал, «Шерағаң жақсы көрген Мақұлбек» библиографиялық көрсеткіш, «Ел майталманы-Мақұлбек!» атты ауызша журналына шолу жасады. Бақалы ауылдық кітапханасының кітапханашысы Күлзипа Ережепова «Өлке тарихын зерделеуші» атты кітап көрмесіне шолу жасап, кітап инсталляциясына шолу жасады. Кешті Жуалы аудандық орталықтандырылған кітапханалар жүйесі директорының орынбасары Жұманова Айжан Әбділқызы қортындылап, қатысқан оқырмандарды алғыс хатпен марапаттады.
