«Кітап қазына» акциясы
Жуалы ауданы Боралдай ауылдық округі Көлтоған, Ертай ауылдық кітапханаларының ұйымдастыруымен ақын, драматург, филология ғылымдарының докторы, профессор, Қазақстанның халық жазушысы Әбділда Тәжібаевтың туғанына 115 жыл толуына орай ақын-жазушылардың шығармаларын өскелең ұрпаққа таныту мақсатында «Сыр елінің саңлақ ұлы – Әбділда Тәжібаев» атты әдеби кеш өтті. Кеш барысында №8 Сүгірбай Бәйтіков атындағы орта мектебінің оқушысы М.Оспан ақын Әбділда Тәжібаевтың өмірі мен шығармашылығын слайд арқылы таныстырып, Ә.Жарылқасын «Балапандар жыры» өлеңін, А.Әбдіқожа «Аққалпақ» өлеңін, А.Әбдіқожа «Бес түлік жыры Бөрте лақ» өлеңін, Ж.Нұрболқызы «Қазақстан» өлеңін, М.Сатылған «Алатау» өлеңдерін мәнерлеп оқып, Ш.Өсербай «Үйретейік», Т.Симитков «Жеті қазына»,К.Әбдіқожа «Еркін елдің ертеңіміз», Р.Әділбек «Отан», А.Белгібай «Тәуелсіздік таңы», Ертай ауылдық клубының әдіскері Б.Асубай «Өзіңді аңсап» әндерін нақышына келтіріп орындады. Ертай ауылдық кітапханасының кітапханашысы Г.Жанысбекова «Сырдың алып бәйтерегі» әдістемелік құрал, «Кеудесі шын ақынның күй сарайы» библиографиялық көрсеткіш, «Жыр сүлейі – Әбділда» ауызша журнал, «Сырда туған сыршыл ақын» ақпараттық-жарнамалық флайерді таныстырып, «Толағай ақын, толмас жыр иесі» атты кітап көрмесіне шолу жасап оқырмандарды кітап оқуға шақырды. Оқырмандар «Толағай» кітап инсталляциясын тамашалады.
