«Кітап – қазына» жобасы
Жуалы ауданы Қарасаз, Көктөбе ауылдық кітапханаларының ұйымдастыруымен Қазақстанның еңбек сіңірген қайраткері, «Алаш» Халықаралық әдеби сыйлығының иегері, ақын, жазушы Ақұштап Бақтыгерееваның 80 жасқа толуына орай «Жайықтың ақ шағаласы» атты поэзия кеші өтті. Кеш барысында №6 Александр Пушкин атындағы орта мектебі, №30 Көктөбе орта мектебі оқушылары А.Бақтыгерееваның шығармаларынан үзінді оқып, «Ай бибі» би тобы «Қазақ» биін, «Детские конфетки» биін билеп, Сәбен Райхан, Ошақбай Алина, Ерғали Інжу «Ұстазым» әнін, Тастанова Сабира, Мырзайым Еркежан «Көңілді күн» әнін, Көктөбе ауылдық кітапханасының әдіскері Дадашова Динара «Ата-анаға алғыс» әнін әуелетіп орындады. Қарасаз ауылдық кітапханасының кітапханашысы Ақкөгершін Темірбаева «Жырымен әлдилеген ақ жайығым» атты кітап көрмесіне шолу жасап, Көктөбе ауылдық кітапханасының кітапханашысы «Ақ жайық. Ақ желең. Ақ шағала» атты әдістемелік құрал, «Жайықтың ақ шағаласы» атты библиографиялық көрсеткішпен таныстырып, Қарасаз ауылдық кітапханасының әдіскері Балжан Алпысбаева «Ақ шаға» атты кітап инсталляциясын таныстырды. Кешті Жуалы аудандық орталықтандырылған кітапханалар жүйесінің директорының орынбасары Айжан Әбділқызы қортындылап, қатысқан оқырмандарды марапаттап, алғысын білдірді.
