25 қазан — Қазақстан Республикасы күні мерекесі қарсаңында Қосбөлтек ауылдық клубы мамандары мен кітапханашылардың бірлесуімен «Менің Отаным — Қазақстан» атты мерекелік кеш пен «Тарихы сырлы, ертеңі нұрлы ғажап ел» тақырыбында кітап көрмесі ұйымдастырылды.
Қазақтың халық ақыны, композитор Иса Байзақов — 125 жыл
Жуалы ауданы Көкбастау ауылдық округі Бақалы ауылдық кітапханасы кітапхана оқырмандарының қатысуымен “Қаламға ғашық жыр жүрек” атты әдеби портрет өтті.
Мақсаты: Халық ақыны, әнші, композитор Иса Байзақовтың шығармашылығын насихаттау, ұлттық өнерді дәріптеу және жастарға рухани-мәдени тәрбие беру.
1 қазан – Халықаралық қарттар күні
Жуалы ауданы Жетітөбе ауылдық округі Кәріқорған ауылдық кітапханасы кітапхана оқырмандарының қатысуымен «Қарттарын қадірлеген ел ардақты» тақырыбында кездесу кешін ұйымдастырды.
Мақсаты: Көпті көрген данагөй қарттарымыздың өнегелі өмірін үлгі ете отырып, ғибрат боларлық сөздерін бойларына сіңіріп, үлкенге құрмет, кішіге ізет ете білетін инабатты, ақылды, ұлттық тәлім — тәрбиені бойына сіңірген, кішіпейіл, иманды, мейірімді, еңбекқор тұлғаны тәрбиелеу.
1 қазан – Халықаралық қарттар күні
Жуалы ауданы Қарасаз ауылдық округі Қарасаз ауылдық кітапханасы»Қарттарын қадірлеген ел ардақты» атты кездесу кешін өтті.
Мақсаты: Көпті көрген данагөй қарттарымыздың өнегелі өмірін үлгі ете отырып, ғибрат боларлық сөздерін бойларына сіңіріп, үлкенге құрмет, кішіге ізет ете білетін инабатты, ақылды, ұлттық тәлім — тәрбиені бойына сіңірген, кішіпейіл, иманды, мейірімді, еңбекқор тұлғаны тәрбиелеу.
«Әулиеата – кітап оқитын өңір» жобасы
Жуалы ауданы әкімдігінің мәдениет және тілдерді дамыту бөлімінің орталықтандырылған кітапханалар жүйесі 2025 жылы ақын жазушылардың шығармаларын өскелең ұрпаққа таныту мақсатында «15 мерейлі тұлға: Үлкен әдеби марафоны» ұйымдастырылуда.
Жуалы ауданы Жетітөбе ауылдық округі Қоңыртөбе ауылдық кітапханасының ұйымдастыруымен қоғам қайраткері, Қазақстанның халық жазушысы, ақын драматург, әдебиет зерттеушісі және сыншы Сәбит Мұқановтың туғанына 125 жыл толуына орай «Қазақ әдебиетінің сұңқары» атты әдеби саяхат кеші өтті. Кеш барысында №21 Д.Пахомов атындағы орта мектебінің оқушылары Д.Сатыпалды жазушының өмірі мен шығармашылығы, Ж.Бақытбек «Қазақ вальсі» өлеңі, А.Серікпай «Көңілім» өлеңі, Т.Сауытбек «Бостандық» өлеңі, Қ.Сауытбек «Сұлушаш» өлеңі, А.Тұрсын С.Мұқановқа арнау арнап, С.Сауытбек «Ерке сылқым» күйі, А.Серікпай «Перзент сыры» әні, «Қызғалдақ» би тобы «Тауыс» биін нақышына келтіріп орындады.
Кітапханашы К.Айтбаева «Сұлу сөздің сардары — Сәбит Мұқанов» кітап көрмесі, «Қазақ әдебиетінің дара тұлғасы» әдістемелік құрал, «Ұлт мақтанышы — Сәбит Мұқанов» ауызша журнал, «Ұлттық рухты ұлықтаушы — Сәбит Мұқанов» библиографиялық көрсеткіш, «Сәбит Мұқанов» ақпараттық-жарнамалық флайер, «Мұқанов — 125 жыл», «Кітап — ғасыр мұрасы» атты кітап инсталляциясымен таныстырып, оқырмандарды кітап оқуға шақырды. Кеш соңында кітапхананы дамыту бөлімінің меңгерушісі Ш.Каниева іс шараға қатысқан оқырмандарға алғысын білдіріп, Алғыс хаттармен марапаттады.
