«Өршіл рухтан – өлмес ерлік туады»

«ӨРШІЛ РУХТАН – ӨЛМЕС ЕРЛІК ТУАДЫ» ДАНАЛЫҚ САҒАТЫ
«Ел болып оқимыз» жобасы аясында Жуалы ауданы Б.Момышұлы атындағы музейде Ұлы Отан соғысы жылдарында ел мен жер үшін от кешкен батыр, тірісінде аты аңызға айналған қазақтың жауынгер ұлы, қолбасшы, ерліктің ерен үлгісі Бауыржан Момышұлының 115 жылдық мерейтойына орай «Өршіл рухтан – өлмес ерлік туады» атты даналық сағаты өтті.
Елдік пен ерліктің киесіндей, батырлық пен батылдықтың иесіндей, асылдық пен жасындықтың үлгісіндей аты аңызға айналған баһадүр батыр Бауыржан Момышұлы – тау тұлға.
Іс-шараны Жуалы аудандық орталық кітапханасының қызметкерлері «Жуалы» әнімен бастаса, батырдың өмір жолы, сұрапыл соғыс жылдарындағы жанқиярлық ерлігі, өжеттігі мен өрлігі, алғырлығы мен көрегендігін, бастан кешкен оқиғаларын, өмір жолын және шығармаларын Жуалы аудандық ардагерлер кеңесінің төрағасы Сейтхан Шералыұлы және орынбасары Ералиев Абдуғали, аудандық әкелер кеңесінің төрағасы Нұрқасымов Нуриддин айтты. Батыр бейнесінің әр қыры оның өз шығармаларынан анық байқалады.
Кітапхана қызметкерлері батыр Бауыржан атамыздың шығармаларына дайындаған кітап көрмесіне шолу жасап, сондай-ақ №2 Мыңбұлақ орта мектебінің оқушылары батырдың «Ұшқан ұя» повесінен сахналық қойылым қойды.
«Жаңа өмір» аудандық газетінің журналисті, ақын Нұржан Дербісәлі батырға арнауын арнап, көрермендердің патриоттық сезімін оятса, Ғали Мирас «Жалғызым қазақ», Есенбай Дінәсіл «Мен қазақпын» әндерін шырқады.
Ерлік ешқашан ұмытылмайды. Жаңарып, жаңғырып, халықтың жадынан шықпай мәңгі айтыла береді.

«Нағыз тұлға туралы толғаныс»

Жазушы Рамазан Тоқтаровтың туғанына 90 жыл

Жуалы ауданы Көкбастау ауылдық округі Бақалы ауылдық кітапханасында кітапхана оқырмандарының қатысуымен «Нағыз тұлға туралы толғаныс» тақырыбында әдеби кеш өтті.

Мақсаты: Жас ұрпаққа Р.Тоқтаровтың өмірі мен шығармашылығымен таныстыру, оқырмандарға ұлылардың өмірінен үлгі алуға баулу.

 

                                            

«Отбасы — Отанымыздың ошағы»

Отбасы күні 

Жуалы ауданы Көкбастау ауылдық округі Көктөбе ауылдық кітапханасы №30 Көктөбе орта мектебінің 6 сынып оқушыларының қатысуымен «Отбасы — Отанымыздың ошағы» атты ақпарат сағаты өтті.

Мақсаты: Отбасындағы қарым-қатынас мәдениеті туралы түсінік беру, отбасы — Отанның бір бөлшегі екенін ұғындырып, оқырмандарды бақытты жанұяға деген қызығушылығын арттыру.

 

                             

«Үлкен әлемге жол ашатын — кітап»

«Жамбыл облысында 2025 жыл — «Кітап оқу жылы» жобасы

Жуалы ауданы Бауыржан Момышұлы ауылдық балалар кітапханасы орталық саябақта «Үлкен әлемге жол ашатын — кітап» атты библиодесант өтті.

Мақсаты: Кітап және оқырман арасындағы байланысты нығайтып, мәдени-рухани құндылықтарды қоғамға жан-жақты насихаттау, интеллектуалды жастарды ынталандыру.

 

                      

 

 

«Мен оқыған бір кітап»

«Жамбыл облысында 2025 жыл — «Кітап оқу жылы» жобасы

Жуалы ауданы Шақпақ ауылдық округі Шақпақата ауылдық кітапханасында кітапхана оқырмандарының қатысуымен «Мен оқыған бір кітап» тақырыбында дөңгелек үстел өтті.

Мақсаты: Кітап және оқырман арасындағы байланысты нығайтып, мәдени-рухани құндылықтарды қоғамға жан-жақты насихаттау, интеллектуалды жастарды ынталандыру.

«Тарих қазынасы — ұлт құндылығы»

Алтын Орда мемлекетінің құрылғанына 755 жыл

Жуалы ауданы Ақтөбе ауылдық округі Жаңаталап ауылдық кітапханасы №26 Жаңаталап орта мектебінің 10 сынып оқушыларының қатысуымен «Тарих қазынасы — ұлт құндылығы» атты тарих сағатын өтті.

Мақсаты: Алтын Орданың құрылу тарихы, жүргізген саясаты, қазақ даласының тарихында алатын орнын, құндылықтарын насихаттау.

 

                             

«Кітап — сарқылмас рухани әлем»

«Жамбыл облысында 2025 жыл — «Кітап оқу жылы» жобасы

Жуалы ауданы Жетітөбе ауылдық округі Қоңыртөбе ауылдық кітапханасы №21 Д.Пахомов атындағы орта мектебінің 7 сынып оқушылары және сынып жетекшісі А.Лебаеваның қатысуымен «Кітап — сарқылмас рухани әлем» тақырыбында кітап оқып жарысу кеші өтті.

Мақсаты: Кітап және оқырман арасындағы байланысты нығайтып, мәдени-рухани құндылықтарды қоғамға жан-жақты насихаттау, интеллектуалды жастарды ынталандыру.

 

                                    

«Отбасы — өмір аясы»

Отбасы — сүйіспеншіліктің, құрмет пен ынтымақтастықтың ошағы, яғни кез келген зиялы қоғамның діңгегі.

Жуалы ауданы Көкбастау ауылдық округі Қосбөлтек ауылдық кітапханасында ауыл тұрғыны Бағлан Сувалиев жары Насихат Кипралиеваның қатысуымен «Отбасы — өмір аясы» тақырыбында таным сағаты өтті. Кеш барысында Б.Сувалиев оқырмандарға ақыл-кеңесін айтып, бастарынан өткен қызықты оқиғаларымен бөлісті. Кітапханашы Г.Пернебек «Отан-отбасынан басталады» атты кітап көрмесімен таныстырып, оқырмандарды кітап оқуға шақырды.

Мақсаты: Отбасындағы қарым-қатынас мәдениеті туралы түсінік беру, Отбасы-Отанның бір бөлшегі екенін ұғындыру, жанұядағы ата-ана және бала арасындағы қарым-қатынасты нығайту.

 

                                  

 

 

Профессор Запаров Иедетхан Расылханұлы 75 жаста

Запаров Медетхан Расылханұлы, Қаныш Сатпаев атындағы ұлттық техникалық университетінің мұғалімі, техника ғылымдарының кандидаты, профессор.
Медетхан Запаров 1950 жылы Ақтоған ауылында көпбалалы отбасында дүниеге келген. Еңбек жолын 1967 жылы Жаңаталап ауылында киномеханик болып бастады. Одан кейін азаматтық борышын өтеу үшін әскерге алынады. Әскерден оралған бетте Алматы қаласындағы Қазақ политехникалық институтына түсіп, «геологиялық барлау»факультетінде білім алады. Институтты «жер асты суын іздестіру» мамандығы бойынша бітіріп, Қазақстан Республикалық селден қорғау басқармасына инженер болып қабылданады. Инженерден бастап қызмет баспалдағымен басқарма бастығы қызметіне дейін жоғарылады. Осында жүріп ғылыми жұмыспен айналысты. 2000 жылы «Оңтүстік Қазақстан өңірін селден және тағы басқа да табиғи апаттардан қорғау тақырыбында кандидаттық дисертациясын қорғады. Ал 2005 жылы түпкілікті ғылыммен айналысу үшін Қ.Сатпаев атындағы ұлттық техникалық университетіне ауысып доцент қызметін атқарды. 2013 жылы профессор атағын алды. Медетхан Расылханұлы бұл жылдарда ол Қазақстан ғылым академиясының ішіндегі география инстиутымен бірге Қазақстан Республикасының Атласын жасауға қатысты.
«Геоэкология», «Өртке қарсы сумен жабдықтау» және «Экологиялық гидрогеология» атты кітаптары, ғылыми журналдарда елуге жуық ғылыми мақалалары жарияланған.

ЖОЛДАУ-2025

ЖОЛДАУ-2025

Жуалы аудандық орталық кітапхананың қызметкерлері мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын талқылады.