Жуалы ауданы Көкбастау ауылдық округі Теріс ауылдық кітапханасы 2025 жылы «Таза Қазақстан» Экологиялық мәдениетті дамытудың 2024-2029 жылдарға арналған тұжырымдамасын іске асыру бойынша кітапхана “Ауылым алтын бесігім” мақсатты бағдарлама аясында клуб мүшелерінің қатысуымен «Ауылым киелі — мекенім» атты экологиялық сағатын ұйымдастырды.

Мақсаты: Табиғатты қорғауға, елін, жерін сүюге, мейірімділікке, ізгілікке тәрбиелеу, экологиялық тәрбие беру, Табиғат-Анаға сүйіспеншілікпен қарауға жетелеу, экологиялық тәрбие негіздерін қалыптастыру.

Әкім Тарази – қазақ әдебиеті, киносы мен драматургиясының дамуына сүбелі үлес қосқан тұлға. Оның қаламынан шыққан туындылар қазақ әдебиетінің алтын қорынан орын алды. ​​​​​​​​​​​Жазушының тарихи, философиялық, әлеуметтік тақырыпты тереңнен тербеген шығармалары бірнеше буын оқырманның рухани жан азығына айналды. Оқырман оны «Әдебиет әлемінің Әкімі» деп ардақ тұтты.

Жуалы аудандық орталық кітапханасы №1 Шерхан Мұртаза атындағы мектеп-гимназиясысының оқушыларының қатысуымен «Сөз әлімінің сардары» атты әдеби алаң өтті. Кеш барысында кітапхананың тұрақты оқырмандары Лесбек Әсет «Тасжарған» романынан үзінді оқыса, Нұржан Айару «Тауға, тасқа салғанда шағылмаған», Аяпберген Нұрдина «Ақ жұлдызды көгінен көрінгенде» өлеңдерін мәнерлеп оқып берді. Кітапханашы А.Тәліпбек «Әкім Тарази әлемі» атты кітап көрмесіне шолу жасап, кітап инсталлициясымен таныстырды.

Мақсаты: Оқырмандарды Ұлт тарихын оқи отырып, ондағы ұлы тұлғалар бейнесін оқып үйренуге, шығармашыл жаңа ұрпақты қалыптастыру, оқуға құштарлығын арттыру.

МӘДЕНИ МҰРА — МӘҢГІ МИРАС

Жуалы ауданы Ақтөбе ауылдық округі Жаңаталап ауылдық кітапханасында “Мәдени мұра — ұрпақ құндылығы” атты кітапханалық мақсаттық бағдарлама аясында «Атамұра» қызығушылық клубы мүшелерінің қатысуымен “Ұлттық салт-дәстүр ұрпаққа мұра” атты дөңгелек үстел өтті.

Мақсаты: Оқырмандарға ұлттық құндылықтарды құрметтеуге тәрбиелеу, ұлттық құндылықтар — біздің тіршілігіміз, бабаларымыздан қалған асыл мұра екенін түсіндіру, тілдік, сөздік қорларын молайту, танымдық ойлау қабілеттерін арттыру.

ОТБАСЫ КҮНІ

Жуалы аудандық орталық кітапханасында кітапхана оқырмандарының қатысуымен «Отбасы — бақыт мекені» атты әдеби сазды кеш өтті. Кешті «Топжарған» оқу орталығының бүлдіршіндері «Қазақ» биімен бастап, №15 Әлихан Бөкейхан атындағы тірек мектеп-лицейінің 6 сынып оқушысы Мирас Ғали «Жаным қазақ» әнін орындады. №1 Шерхан Мұртаза атындағы мектеп-гимназиясының оқушылары «Отбасы» туралы өлеңдерін мәнерлеп оқып, қатысқан қонақтар өз ойларымен бөлісіп, жас ұрпаққа ақыл-кеңестерін берді. Кітапханашы А.Тәліпбек «Отбасы-бақыт ұясы» атты кітап көрмесімен таныстырып, оқырмандарды кітап оқуға шақырды. Кешті №15 Әлихан Бөкейхан атындағы тірек мектеп-лицейінің 8 сынып оқушысы Мейірлан Пернеқұл «Ана» әнімен қортындылады.

Отбасындағы қарым-қатынас мәдениеті туралы түсінік беру, Отбасы-Отанның бір бөлшегі екенін ұғындыру, жанұядағы ата-ана және бала арасындағы қарым-қатынасты нығайту.

«Жамбыл облысында 2025 жыл — “Кітап оқу жылы” жобасы

Жуалы ауданы әкімдігінің мәдениет және тілдерді дамыту бөлімінің орталықтандырылған кітапханалар жүйесі 2025 жылы ақын жазушылардың шығармаларын өскелең ұрпаққа таныту мақсатында “15 мерейлі тұлға: Үлкен әдеби марафоны” ұйымдастырылуда.

Жуалы ауданы Қошқарата ауылдық округі Қошқарата ауылдық кітапханасының ұйымдастыруымен ақын, жазушы, журналист Бауыржан Үсеновтың туғанына 65 жыл толуына орай “Маңдайыма жазылған мәңгілігім” атты поэзия кеші өтті. Кеш барысында №9 Абай атындағы орта мектебінің 8-10 сынып оқушылары Шымырбек Олжас “Қара машина”, Махай Шұғыла “Жапырақ жайлы бір өлең”, Серік Инабат “Көктем мен күз” өлеңдерін оқып, Елемес Нұрай, Андасбек Ұлданай, Дәулетжан Мерей ақынның естеліктерімен бөлісті. Қойшыбай Аружан, Бақыт Мунира лирикалық өлеңдерін мәнерлеп оқыса, Миябек Ерлік, Білалұлы Санжар, Сатымхан Азиз, Баймен Асылхан ақынның желтоқсан оқиғасының құрбаны Қайрат Рұсқылбеков пен тергеуші арасындағы диалогты көрініс ретінде көрермендерге паш етті. Рахымберді Жадыра “Атамекен” әнін нақышына келтіріп орындады. Кітапханашы Көкеева Ұлжан “Жырдан көрінген жүрек” атты кітап көрмесіне шолу жасап, әдістемелік құралмен таныстырды. Әдіскер Асанбек Арайлым “Ақын деген өлмейді жыр аманда” атты кітап инсталляциясымен таныстырды. Кеш соңында аудандық орталықтандырылған кітапханалар жүйесінің бірыңғай қорларды пайдалану және ұйымдастыру бөлімінің меңгерушісі Күләш Таубалдиева қатысқан оқырмандарға алғысын білдіріп, марапаттады.

21 мамыр — Мәдениет және өнер қызметкерлері күні

Мәдениет пен өнер-рухани өміріміздің мәйегі, адамзат тұлғасы деңгейіне көтеретін негізгі құрал. Мәдениет — ең алдымен жәдігерлік. Оны ұрпақтан ұрпаққа жеткізуші-зиялы қауым.

Жуалы ауданы Шақпақ ауылдық округі Шақпақата ауылдық кітапханасында кітапхананың тұрақты оқырмандарының қатысуымен «Мәдениеті биік елдің мәртебесі жоғары» атты өнер сағаты өтті.

Мақсаты: Ұлттық және әлемдік мәдениет пен өнердің ең жақсы дәстүрлері мен жетістіктерін жаңғырту, дамыту, насихаттау, өңірлердің мәдени мұрасын таныстыру, кітапхана ісіндегі инновациялық әдістерді қолдануда және оны жүйелі түрде жүргізуде белсенділік танытып, кітапхана имиджі мен қоғамдағы кітапхананың әлеуметтік мәртебесін арттыру.

«Жамбыл облысында 2025 жыл — «Кітап оқу жылы» жобасы

Жуалы ауданы Билікөл ауылдық округі Қарабастау ауылдық кітапханасы мақсатты бағдарлама аясында «Кітап — сарқылмас қазына» атты ашық аспан астында кітап көрмесін ұйымдастырды

Мақсаты: Кітап және оқырман арасындағы байланысты нығайтып, мәдени-рухани құндылықтарды қоғамға жан-жақты насихаттау, интеллектуалды жастарды ынталандыру.

21 мамыр — Мәдениет және өнер қызметкерлері күні

Мәдениет пен өнер-рухани өміріміздің мәйегі, адамзат тұлғасы деңгейіне көтеретін негізгі құрал. Мәдениет-ең алдымен жәдігерлік. Оны ұрпақтан ұрпаққа жеткізуші-зиялы қауым.

Жуалы ауданы Жетітөбе ауылдық округі Кәріқорған ауылдық кітапханасында кітапхана ардагері Н.Жанабаева, №7 Тұрсын Әкімов атындағы орта мектебі оқушыларының қатысуымен «Кітапхана — мәдениет мәйегі» атты кездесу кеші өтті.

Мақсаты: Ұлттық және әлемдік мәдениет пен өнердің ең жақсы дәстүрлері мен жетістіктерін жаңғырту, дамыту, насихаттау, өңірлердің мәдени мұрасын таныстыру, кітапхана ісіндегі инновациялық әдістерді қолдануда және оны жүйелі түрде жүргізуде белсенділік танытып, кітапхана имиджі мен қоғамдағы кітапхананың әлеуметтік мәртебесін арттыру.

Жуалы ауданы Боралдай ауылдық округі Рысбек батыр ауылдық кітапханасында №20 Жамбыл атындағы орта мектебінің 5 сынып оқушыларынын қатысуымен «Аталар сөзі — тәрбие көзі» атты ақпарат сағаты өтті.

Мақсаты: Жастардың бойына патриоттық сезім қалыптастырып, Отанды сүюге тәрбиелеу.