Жуалы ауданы Күреңбел ауылдық округі Күреңбел ауылдық кітапханасы №10 Күреңбел орта мектебінің 10 сынып оқушылары, мектеп медбикесі С.Елеместің қатысуымен «Денсаулық, салауатты өмір — біздің болашағымыз» атты денсаулық сағаты өтті.
Мақсаты: Оқырмандарға салауатты өмір салтын насихаттау, өмірге деген құштарлығын арттыру, жақсы мен жаманды айыра біліп, зиянды әдеттерден бойын аулақ салуға дағдыландыру.
Композитор Кенен Әзірбаевтың туғанына 140 жыл
Жуалы ауданы Көкбастау ауылдық округі Бақалы ауылдық кітапханасы «Дархан даланы асқақ әнімен тербеткен» атты ақпаратты оқырман назарына ұсынады.
Мақсаты: Қазақ әдебиеті мен музыка әлеміне елеулі үлес қосқан Кенен Әзірбаевтың шығармашылығын жас ұрпаққа кеңінен насихаттау.
Қазақстанның халық жазушысы Әбдіжәміл Нұрпейісовтың туғанына 100 жыл
Жуалы ауданы Шақпақ ауылдық округі Тәттібай Дүйсебайұлы ауылдық кітапханасында кітапхана оқырмандарының қатысуымен «Әдебиетіміздің мақтанышына айналған алып» атты пікір-алмасу сағаты өтті.
Мақсаты: Оқырмандарға Әбдіжәміл Нұрпейісов туралы ақпарат беру, шығармаларына деген сезімдерін қалыптастыру, патриоттық сезімін ояту, ерлікке, елін жерін сүюге, Отанын қорғауға және Ұлт намысын қорғаған батырларды құрметтеу мен ұлықтауға тәрбиелеу.
16 ЖЕЛТОҚСАН — ҚАЗАҚСТАН РЕСПУБЛИКАСЫНЫҢ ТӘУЕЛСІЗДІК КҮНІ
Жуалы ауданы Билікөл ауылдық округі Қарабастау ауылдық мәдениет үйінде Жылыбұлақ ауылдық клуб мамандарымен бірлесе отырып жерлес желтоқсаншылар Лухманов Нурзулла Анварбекұлы, Жарылқапова Жанаркүл Сәрсенбайқызы, Билікөл ауылдық округі әкімі Қамбарбеков Еркебұлан Бекұлы, ауылдың ақсақалдар кеңесінің төрағасы Абсалямов Еңсебек Түгелбайұлының қатысуымен «Тәуелсіз Отаным — бақыт ордасы» атты еске алу кеші өтті. Кітапханашы Гүлсім Жұмаханова «Желтоқсан желі ызғарлы…» атты кітап көрмесіне шолу жасап, оқырмандарды кітап оқуға шақырды. 
Мақсаты: Еліміздің тәуелсіздік алу жолындағы ата-бабаларымыздың ерлігін паш ету, жас ұрпаққа желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету, туған өлкемізге деген сүйіспеншілігін ояту, елін, жерін сүюге, Отанын қастерлеуге, шыншылдыққа тәрбиелеу.
«КІТАПХАНАШЫ — XXI ҒАСЫР МАМАНДЫҒЫ» — «ЖЫЛ МАМАНЫ-2024» ОБЛЫСТЫҚ БАЙҚАУЫ
Жамбыл облысы әкімдігінің мәдениет және тілдерді дамыту басқармасының қолдауымен облыстың 85 жылдығына орай Ш.Уәлиханов атындағы Жамбыл облыстық әмбебап ғылыми кітапханасы ауыл кітапханашылары арасында «КІТАПХАНАШЫ — XXI ҒАСЫР МАМАНДЫҒЫ» — «Жыл маманы-2024» облыстық байқауы өтті.
Заманауи жетістіктерге лайықты әдіс-тәсілдермен кітапхана ісін дамытуға қабілетті кітапханашыларды таныту, кітапханашылардың ауыл тұрғындарына бүгінгі күн талабына сай кітапханалық қызмет көрсетудегі біліктілігі мен кәсіби деңгейін анықтау, кітапхана ісін дамытуда кітапханашылардың жаңашылдық бастамасына қолдау көрсету, кітапханашының кәсіби дамуын ынталандыру, мамандық беделі мен әлеуметтік мәнін көтеру, кітапхана қызметіне жаңа ақпараттық технологиялар мен әдістерін енгізу мақсатында ұйымдастырылған байқауға 35 жасқа дейінгі 8 үміткер қатысты.
Байқау шартына сәйкес қатысушылар «Жаңа ой, жаңа қадам, жаңа талап» — Үздік таныстырылым, «Ізденуден талмаған» — Үздік шығармашылық ізденіс, «Үздік виртуалды кітап көрмесі» мен «Шабыт» номинациялары бойынша сыналып, Қосбөлтек ауылдық кітапханасының кітапханашысы Гүлвира Пернебек жүлделі ІІІ орынды иеленді.
1 желтоқсан — БҮКІЛӘЛЕМДІК СПИД-ке ҚАРСЫ КҮРЕС КҮНІ
Жуалы ауданы Ақтөбе ауылдық округі Жаңаталап ауылдық кітапханасында №26 Жаңаталап орта мектебінің оқушылары, Ақтөбе ауылдық округі амбулаториясының мейіргері Шинтаев Ерхан Ермекұлының қатысуымен «СПИД — ғасыр дерті» тақырыбында денсаулық сағаты өтті.
Мақсаты: Оқырмандарға СПИД-тің қазіргі таңдағы адамзаттың басты проблемасы екенін, оның зиянды жақтарын түсіндіру, ғасыр дертіне аиналып отырған кеселдердің залалын жан-жақты меңгерту, зиянды заттардан барынша аулақ болуға шақыру, ХХІ ғасыр дерті — қатерлі СПИД індетінен сақ болуға, бұл дертті жұқтырмаудың жолын білуге баулу.
1 желтоқсан — БҮКІЛӘЛЕМДІК СПИД-ке ҚАРСЫ КҮРЕС КҮНІ
Жуалы ауданы Қызыларық ауылдық округі Ақтөбе ауылдық кітапханасында №25 Ақтөбе тірек мектебінің медбикесі Нұрзада Назарбекова, «Дауа» қызығушылық клубы мүшелерінің қатысуымен «СПИД-ғасыр дерті» тақырыбында маман кеңесін ұйымдастырды.
Мақсаты: Оқырмандарға СПИД-тің қазіргі таңдағы адамзаттың басты проблемасы екенін, оның зиянды жақтарын түсіндіру, ғасыр дертіне айналып отырған кеселдердің залалын жан-жақты меңгерту, зиянды заттардан барынша аулақ болуға шақыру, ХХІ ғасыр дерті — қатерлі СПИД індетінен сақ болуға, бұл дертті жұқтырмаудың жолын білуге баулу.
Қазақ ақыны, халық жазушысы, журналист Фариза Оңғарсынованың туғанына 85 жыл
Жуалы ауданы Қарасаз ауылдық округі Қарасаз ауылдық кітапханасында кітапхана оқырмандарының қатысуымен «Қанатты жырдың қарлығашы» атты тәрбие сағаты өтті.
Мақсаты: Оқырмандарға Ф.Оңғарсынованың өмірі мен шығармашылығы туралы мәліметтер беру, оның шығармаларын дәріптеу, ақынның туған жерге, елге деген сүйіспеншілігін жеткізу және поэзияны сүюге, түсіне білуге дағдыландыру.
Қазақстанның халық жазушысы Әбдіжәміл Нұрпейісовтың туғанына 100 жыл
Жуалы ауданы Көкбастау ауылдық округі Көктөбе ауылдық кітапханасы №30 Көктөбе орта мектебі оқушыларының қатысуымен «Саңлағы парасатты сананың» атты дөңгелек үстел өтті.
Мақсаты: Оқырмандарға Әбдіжәміл Нұрпейісов туралы ақпарат беру, шығармаларына деген сезімдерін қалыптастыру, патриоттық сезімін ояту, ерлікке, елін жерін сүюге, Отанын қорғауға және Ұлт намысын қорғаған батырларды құрметтеу мен ұлықтауға тәрбиелеу.
