Жуалы ауданы әкімдігінің мәдениет және тілдерді дамыту бөлімінің орталықтандырылған кітапханалар жүйесінде 2026 жылы ақын-жазушылардың шығармаларын өскелең ұрпаққа кеңінен таныту мақсатында «15 мерейлі тұлға: Үлкен әдеби марафоны» ұйымдастырылуда.
Жуалы ауданы, Көкбастау ауылдық округі Қосбөлтек ауылдық кітапханасында көрнекті ақын, жазушы, қоғам қайраткері, лингвист-ғалым, Қазақстанның Еңбек Ері Олжас Сүлейменовтің 90 жылдық мерейтойына орай «Ақын және азамат» атты әдеби портрет өтті.
Іс-шара барысында Білім Ордасы жекеменшік гимназия мектеп-интернатының 9-сынып оқушысы Ы.Ниетпек «Мен таңсықпын» өлеңін оқыса, №30 Көктөбе орта мектебінің 5-сынып оқушылары М.Ниетбек «Нағыз дос!», Н. Жаңабайұлы «Ойхой, нөсер!», А. Бектемір «Семсер», А. Жұмахан «Ант» өлеңдерін мәнерлеп оқып, көрермендерге көтеріңкі көңіл күй сыйлады.
Әдеби-сазды кеште Е. Ескендір «Домбыра» күйін орындап, Н. Оспанғали «Мен қазақпын», Ж. Оразбай «Ана» әндерін шырқап, өнерлерін ортаға салды. Сонымен қатар қатысушылар назарына «Олжастың азаматтығы» атты көрініс ұсынылды.
Кітапханашы Б. Жидебаева «Қаламы қуатты, ойы өр ақын» атты кітап көрмесіне шолу жасап, оқырмандарды ақынның шығармаларымен танысуға және кітап оқуға шақырды.
Іс-шараны аудандық орталықтандырылған кітапханалар жүйесінің кітапхананы дамыту бөлімінің меңгерушісі Каниева Шарифат қорытындылап, белсенді қатысқан оқырмандарға алғысын білдіріп, марапаттар табыстады.
Мақсаты: ұлы ақынның шығармашылық мұрасын насихаттау, жас ұрпақтың әдебиетке деген қызығушылығын арттыру, ұлттық рух пен отансүйгіштік қасиеттерді қалыптастыру.
